اسألوني عن فتح

اسألوني عن فتح
احكيلكم شو اللى بتعنيها
فتح مش كلمة الكل يعديها
ثورة غضب ، الله من عنده حاميها
يموت مين فكر انه يعاديها
بأول يوم بالسنة ولآخر يوم بالدني
في الخمسة وستين هلّت اراضيها
اعلنها للشعب مهندس مبانيها
لك الله يرحم روحك ابو عمار
يا معلي للفتح اساميها
ومين ينسى رفاق الدرب
الخليل وابو اياد اروع معانيها
احنا العاصفة انطلقنا بنار
وتشهد عيلبون وزوهر اول شرار
والكرامة حنّت بالنصر معاليها
وبيروت وجنوبه معقل حصار
خلى العالم كله يناجيها
لك يسلم ساعدك يالفتحاوي
ويسلم تمك يا مغني للفتح اغانيها
يلا هبّو يا رجال واعلنوها
اليوم عيد الفتح وغزة اللى تهنيها
اليوم عيد الدولة وابو مازن هوا اللى بانيها
وزغردي يامي واتزيني يا دار
وحنوا الكفوف يا بنات الختيار
وعلّوا الرايات في العالي علّوها
انطلاقتنا بدت وكل العالم بيحييها
وما تسألوني تاني عن فتح
اخاف من كتر كلامي عنها ..
ما اوفيها ..

بقلمى / محمد الازعر