مسرح ..
كلنا فيه ممثلين بارعين ..
نرتب فيه حكي – مواقف ومشاعر
وإحنا في النهاية عارفين – أننا ممثلين !!
والمسرح كله أقنعة ..
وكل واحد يبحث عمن يقنعه !!
وكان الحوار اللي بيننا – الكذب – منبعه !!
وكنت عارف انك تكذبين – ومع هذا كلامك – اسمعه ..
وكنت أتابع فنك – مندهش – وأقول عنك ممتعه ..
كيف تمثلين ؟!
كيف تصرخين ؟!
كيف تتألمين ؟!
والحب يتقاطر مع دموعك – وانا قاعد اجمعه !!
وبعد البروفه ..
كنت – انت – تضحكين وسط المعّممه
وانا في ذاك الركن ..
أراقب المشهد – غريب – أراجعه واسترجعه !!!
كيف تصرخين – تتألمين – وبعد شوي تضحكين ؟!!
يآآآآآآآآآآه – ما أبشعه
إحساس في داخلي – ما أبشعه !!؟
يا ليت اقدر أشيله من صدري وامنعه
يا ليت اقدر من خيالاتي – اقلعه ..
انت كيف في مشاعرك تتحكمين ؟؟!
انت كيف في تعابير وجهك تتلونين ؟؟!
انت كيف مع الظروف تتكيفين ؟؟!
بالنسبة لي – انا وصلت حد الانهيار ..!
مقدر أعيش بشخص – وفي داخلي شخص ثاني
مقدر أعيش اضحك – وانا في داخلي أتألم وأعاني
خليني اصرررررررررررخ – على نفسي وبأعلى الصوت اصييييييييييح ..
وخلي صدى صرختي تتمدد في الفضاء مع هبوب الريح
ترتطم صدى – تصيييح
تضرب في جذور الأقنعة
وترفع الستار – وينكشف الزيف – وتنكسر أركان الأشرعة
وتغرق سفينة الاوجعه – والاقنعه !!!
وخليني ارسم للكون طيفا جديد صافي منبعه ..
حب – حنان – صدق وأمان
ما فيه للاقنعه – مكان ولا زمان
وخلينا نعيش على حقيقتنا بلا تمثيل – مبدعين – بارعين
وخلينا نعيش بإحساس صادق ومشاعر محبه وبليا أقنعه