موضوع المليون بيت شعر

وإن قلت لك متى عيوني تشوفك ؟
قلت الوعد في ثامن أيام الأسبوع

بعض العقــول إن تنّــحت ما بها طب
مهمــا يتكلّــم ،، ما يكــبْ التنــاحه

وماكل ضحكه تشوفها من البشر حب
بعض البشر ضحكـه مجرد وقــاحه

ماهي بـ لحية عتاب ولهفة مواجه
شف الثقه في الليالي كيف سوّت بي


ضحيت في كل حاجه في رجا حاجه
والحاجه اللي لها ضحيت ضحت بي

آلطيب كذبه .. وآلكذب صآر عآدآت
وآلغدر شيمه ... وآلطمع من ورآهم

وآلحب .. نآدر .. وآلخيآنه .. مهآرآت
ودندن على آلحبلين تكسب رضآهم

‏ماضعت من عقبك ’ عسى روحتك خير
و أكذب عليك إن قلت لك / مـا فقدتك

يمكن أعيش شوي صدمـه و تأثير
ومع الزمن بـ ( أنساك ) كن مآ عرفتك

صدقوني مابقى للحب قيمه
الجفا شال الوفا واصبح مكانه

والصراحه صايره گلمه قديمه
والهوى اصبح خيانه في خيانــّه

°
‏تهزني ذكريات الحلم ، والماضي
وأنا مجرد .. ' جريح ' وما لقى حتفه

كثر السهر أتعب إعيوني على الفاضي
لازال عندي أمل . في شوفته صدفه

الناس هذي أغلب علومها كذب
ي ليت كل اللي تقوله تسويه

لا تنجذب للي يسولف عن الحب
الحب أهله ما يجيبون طاريه

‏مارحمك الوقت يالقـلب الكبير
تستحي والناس حولك ما استحو

الضمير اللي يسمونه ضمير
مالقيته ... غير ف كتاب النحو !"

لا تضيق من دنيا الشقا وآفاتها
ملامحك ربي خلقها لـ الهنا

الضيقه اللي في ضلوعك هاتها
ضيقات صدرك خلها عندي انا