كنت عم تابع بنشرات الاخبار وشوف وين صار الحريق ومدى انتشاره
بحبل الكرمل في فلسطين المحنلة (الكيان الاسرائيلي) وعم شوف كيف الدول هبّت للمساعدة و15 دولة بادرت للمساعدة وتقديم ما يلزم من اميركا اللي ارسلت اكبر طائرة لمكافحة الحريق الى استراليا اللي ارسلت وفد متخصص بهالمجال ...بالمقابل كان في حريق ىخر بجبل لبنان والذي امتدّ الى سواحله وبإمكانيتة المتواضعة وعدم توفر تجهيزات وان توفرت لا تكفي لمحاصرة الحرائق التي تحصل في لبنان والمتكررة التي قضت على الكثير من الاحراج الخضراء..
اما الغريب او بالاحرى مش غريب ابداً والمؤسف انو من الدول التي بادرت بمساعدة اسرائيل (مصر والاردن) وهون لما بتيجي تحكي وتفش خلئك بيطلعلك اشخاص على شاشات التلفزة بيصرعونا قومية وعروبة وهنني ما بيعرفو من العروبة غير الكلمة ..والله لو الحريق صاير بغزة او بأراضي الفلسطينية بالضفة الغربية كانت مصر والاردن وكل الدول العربية (كرمال ما يقولو ناي حاطة حطاطا على مصر والاردن )ما سمعت في او اذا بتستال مسؤول او رجل دين بئلك ليه صار حريق وامتا ما معي خبر ؟؟؟ مع اسرائيل بصيرو العرب ام ابو الشهامة بالمساعدة ....
اللي بدي قولو من كل الموضوع عيب على مصر اللي بتعتبر حالا رمز العروبة وعلى الاردن اللي بتعتبر حالا من السلالة الهاشمية (اي هيدي معكن حق بس من سلالة ابو لهب ما ابولهب من السلالة الهاشمية ) وعيب على كل الدول العربية انو لبنان يحترق بجبالو وسواحلو والدول االعربية متل العادة مكتوفة الايدين ...
ناي م