#بالعامية🤔
هو سؤال يعني 😂
شو قصة جوزي و جوزي اللي دارجة جديد هاي؟
جوزي حكالي ، جوزي عمللي، جوزي جابلي، جوزي اخدني، جوزي عمل جوزي سوّى 🤔🙄🙄
عادي احكيلك تجوز فيكي عين بلكي 🤓
خلص هبل جد بلا برادة زودتوها..
الوحدة بكون عمرها مش صغير ع فكرة و تصرفاتها متل المراهقة 😳
بتعقدي معها عشر دقايق بتفتح براسك كازية و هي ع قولة جوووزي😒😤
يختي هو انتي متجوزة سيد الرجالة واحنا جيزاننا ضمم كزبرة!!
يختي خفي شوي مش هيك قلقتي مخي😷
ولا بتفهم اشي بالدنيا الا الجيزة..
بتعرفش يما ما الها دخل إلا بجوزها..
فش موضوع بتفتحو الا جوزها عنوانو😑
غلبي حالك و إساليها شو طريقة المقلوبة 😒
بتبلش انا جوووزي بحبها ع بيتنجان فما بعملها ع زهرة ..انا جووووزي بحب البيتنجان رئيئ فما بخملوا ،،انا جوزي بيحب جمبها لبن فما بعمل سلطة،، انا جوزي بيحب رز امريكي فما بحط تايجر 😤😤😤😤
-الطريقة يختي ما عرفتها!!
يييييييي بعملها بتشهي حتى إسألي جوزي 😒
يختي ميلة نفختي معدتي يختي بدي اعمل عدس و خلي المقلوبة الك و لجووووزك 😂😂
بترد بتحكيلك حطي جنب العدس مخلل جوزي بيحكي بلا مخلل مو زاكي💩💩
حتى والله لو سألتيها شو اسمك لتحكي أنا مرتو لجوزي 😂
مال عيونك ...يييييييييي ما نمت مبارح سهرت أنا وجووووزي
مال منخارك يييييييييي فات فيهو عطر جوزي😂😂😂😂
جوزك ولا جوز قلب يختي 😮
جوزي حكالي ليه نسحانة بدي انحف😭😭
طيب حلو كسمك لا تردي..لا لا جوزي ما بحب😳
جوزي حكالي نحفانة بدي انسح🤓😂😂😂
مال رجلك..قرصني جوزي مال ايدك باسها جوزي..مال امك ما بتحب جوزي😂😂😂😂
قرد اللي يسحبك انتي و جوزك 😑👌
جوزها جوز هند الله خلقوا و انكسر القالب🤓
والا اللي محور حياتها جوزها رضي جوزها زعل😁
يختي حبيبتي بدي تفهمي اشي ..
الزلام شايفين حالهم بدون هفهفة بلاش انتي تضلي تهفهفي فيه لانو مناخيرو بتوصل السما بعدين ..
يا عرق عيني انتي ما تضلك وراه ع الدقرة بيزهق حبيبتي بيمل..
يا رب تبطلو تفكرو انو الزلمة مدخل للسعادة ..
يختي سعادتك بإيدك انتي ..سيبك منو ومن كشرتو
و ارحمونا مشان الله حسستونا انو لسة ما دخلنا دنيا 🤓🤓😂😂😂😂😂😂
معكم
مرتو لجوزي 😂😂