قـالوا عني فلاح ولهجتي قـرويّة
بالهم رح أستحي من حكيي وأهلي بس هذول هبايل
بفكروا إنو ضربة حاجب مع رفعة "واكس" بصيرو من الأفندية
بعرفوش محلا القــعدة تحت الزيتونة وبريــق الشاي مع المرمية
ونلقط التين مع جدي قبل بحوش الأرض بالفاس والطورية
أي هو أنا بنسى يا ستي لما قـلتيلي
هذه أرضنا مثل عرضنا ومين باع أرضو فرّط بعرضو
لكن ابشري يا ستي هذه الأرض بتظل أرضنا
ما دامنا على درب الختيارية
ودمتم