ﺷﻮﻓﻮ ﻭﺣﺪﻩ ﺑﺘﺤﻜﻲ ﻗﺼﺘﻬﺎ :
ﺑﻘﺎﻟﻰ ﻓﺘﺮﻩ ﺷﺎﻛﻪ ﻑ ﺟﻮﺯﻯ .
ﻭﺑﻔﻜﺮ ﺍﺭﺍﻗﺒﻪ ﺑﺲ ﻣﺶ ﻋﺎﺭﻓﻪ ﺍﺭﺍﻗﺒﻪ ﺍﺯﺍﻯ ﻭﻻ ﺍﻋﻤﻞ ﺍﻳﻪ ؟
ﺑﻘﺎﻟﻪ ﻓﺘﺮﻩ ﺑﻴﺘﺄﺧﺮ ﺑﺮﻩ ﺍﻟﺒﻴﺖ ﻋﻠﻰ ﻏﻴﺮ ﻋﺎﺩﺗﻪ
ﻛﺘﻴﺮ ﺍﺗﺼﻞ ﻋﻠﻴﻪ ﺃﻻﻗﻴﻪ ﺗﻠﻴﻔﻮﻧﻪ ﺍﻧﺘﻈﺎﺭ
ﺳﺎﻋﺎﺕ ﺑﻘﻲ ﺑﻴﻐﻠﻂ ﻑ ﺍﺳﻤﻰ
ﻟﻐﺎﻳﻪ ﻣﺎ ﺧﻼﺹ ﺍﻟﺸﻚ ﺑﺪﺃ ﻳﺠﻨﻨﻰ
ﻭﻓﻀﻠﺖ ﺍﻓﻜﺮ ﻑ ﻃﺮﻳﻘﻪ ﺍﺭﺍﻗﺒﻪ ﺑﻴﻬﺎ ﻋﺸﺎﻥ ﺍﻗﻔﺸﻪ ﻣﺘﻠﺒﺲ
ﺍﻟﻤﻬﻢ ﺟﺎﺗﻨﻰ ﻓﻜﺮﻩ
ﺍﺷﺘﺮﻳﺖ ﻧﻘﺎﺏ ﻣﻦ ﻭﺭﺍﻩ ﻭﺍﺳﺘﻨﻴﺘﻪ ﻟﻤﺎ ﻳﺨﺮﺝ ﻋﺸﺎﻥ ﺍﺧﺮﺝ ﻭﺭﺍﻩ
ﺧﺪﺕ ﺑﻨﺘﻰ ﻣﻌﺎﻳﺎ ﻋﻨﺪﻫﺎ 5 ﺳﻨﻴﻦ ﻋﺸﺎﻥ ﻣﺎﻓﻴﺶ ﺣﺪ ﻳﻘﻌﺪ ﺑﻴﻬﺎ
ﻭﻋﺸﺎﻥ ﻣﺎﻳﻠﺤﻘﺶ ﻳﻬﺮﺏ ﻣﻨﻰ
ﺍﻟﻤﻬﻢ ﻟﻘﻴﺘﻪ ﺑﻴﻮﻗﻒ ﺗﺎﻛﺴﻲ
ﻭﻗﻔﺖ ﺍﻧﺎ ﻛﻤﺎﻥ ﺗﺎﻛﺴﻲ ﻭﺟﺮﻳﻨﺎ ﻭﺭﺍﻩ
ﺑﻌﺪ ﺭﺑﻊ ﺳﺎﻋﻪ ﻧﺰﻝ ﻣﻦ ﺍﻟﺘﺎﻛﺴﻲ ﻗﻮﻣﺖ ﻧﺎﺯﻟﻪ ﺍﻧﺎ ﻛﻤﺎﻥ
ﺑﻌﺪﻳﻦ ﻭﻫﻮ ﺭﺍﻳﺢ ﻳﺮﻛﺐ ﻋﺮﺑﻴﻪ ﺗﺎﻧﻴﻪ ﺗﺎﻩ ﻣﻨﻰ
ﻻﻥ ﺍﻟﺒﺖ ﺑﻨﺘﻰ ﺍﻟﺸﻮﺯ ﺑﺘﺎﻋﻬﺎ ﻭﻗﻊ ﻣﻨﻬﺎ ﻭﻓﻀﻠﺖ ﺗﻌﻴﻂ
ﻭﺍﻧﺎ ﻟﻤﺎ ﺟﻴﺖ ﺍﺑﺼﻠﻬﺎ ﻭﺭﺟﻌﺖ ﺍﺑﺺ ﻋﻠﻴﻪ ﻟﻘﻴﺘﻪ ﺗﺎﻩ
ﻓﻀﻠﺖ ﺍﺑﺺ ﻳﻤﻴﻦ ﻭﺷﻤﺎﻝ ﺑﺮﺩﻭ ﻣﺶ ﻻﻗﻴﺎﻩ
ﺧﻼﺹ ﺗﺎﻩ ﻣﻨﻰ
ﻭﻓﺠﺄﻩ
ﻟﻘﻴﺖ ﺣﺘﻪ ﻗﻠﻢ ﻧﺎﺯﻝ ﻋﻠﻰ ﻗﻔﺎ ﺃﻣﻰ ﻣﻦ ﺷﺪﺗﻪ ﺣﺴﻴﺖ ﺍﻧﻰ ﻋﻴﻨﻰ ﻧﻮﺭﺕ
ﻭﻟﺴﺎﻧﻰ ﺩﻟﺪﻝ ﻝ ﺑﺮﻩ
ﻭﺍﺫ ﺑﻪ ﺍﻟﺸﻤﻠﻮﻝ ﺍﻟﻤﻌﺪﻭﻝ ﺍﺑﻦ ﺍﻟﻤﻌﺪﻭﻟﻪ ﺟﻮﺯﻯ
ﻓﻀﻞ ﻳﻘﻮﻟﻰ " ﺍﻧﺘﻰ ﻣﻴﻦ ﻳﺎﺑﻨﺖ ﺍﻟﻜﻠﺐ ﻭﺧﻄﻔﺘﻰ ﺍﻟﺒﻨﺖ ﺩﻯ ﻣﻨﻴﻦ ؟ "
ﻭﻳﺸﺪ ﺍﻟﺒﺖ ﻣﻨﻰ
ﻭﺍﻟﺒﻨﺖ ﺑﻨﺖ ﺍﻟﻌﺒﻴﻄﻪ ﺗﻌﻴﻂ ﻭﺗﻘﻮﻟﻪ ﺇﻟﺤﻘﻨﻰ ﻳﺎ ﺑﺎﺑﺎ
ﻭﺍﻧﺎ ﻻﺑﺴﻪ ﺍﻟﻨﻘﺎﺏ ﻭﻣﺶ ﻋﺎﺭﻓﻪ ﺍﺗﻜﻠﻢ ﻭﻻ ﺍﻧﻄﻖ
ﻭﻫﻮ ﺍﺳﺘﺤﻼﻫﺎ ﺍﺑﻦ ﺍﻟﻔﻘﺮﻳﻪ ﻭﻋﻤﺎﻝ ﻳﻀﺮﺏ ﻑ ﺍﻟﻠﻰ ﺧﻠﻔﻮﻧﻰ
ﺑﺎﻟﺮﻭﺳﻴﻪ ﻭﺑﺎﻟﺸﻼﻟﻴﻂ ﻭﺑﺎﻟﻘﻔﺎ
ﻭﺍﻟﻨﺎﺱ ﺍﺗﻠﻤﺖ
ﻭﻻ ﻛﺄﻧﻬﻢ ﻣﺴﻜﻮﺍ ﺣﺮﺍﻣﻰ
ﻭﺍﻧﺎ ﻣﻦ ﻛﺘﺮ ﺍﻟﻌﻴﺎﻁ ﻭﺍﻟﻀﺮﺏ ﺍﻟﻠﻰ ﻛﻠﺘﻪ ﻡ ﺍﻟﻨﺎﺱ
ﻣﺶ ﻗﺎﺩﺭﻩ ﺍﻓﺘﺢ ﺑﺆﻯ ﻭﻻ ﻗﺎﺩﺭﻩ ﺍﺷﻴﻞ ﺍﻟﻨﻘﺎﺏ
ﻛﻠﺖ ﺣﺘﻪ ﻋﻠﻘﻪ ﻣﺎﻛﻠﻬﺎﺵ ﺣﻤﺎﺭ ﻑ ﻣﻄﻠﻊ ﻭﺍﻟﻠﻪ ﻳﺎ ﺟﻤﺎﻋﻪ
ﺍﻟﻤﻬﻢ ﺭﺑﻨﺎ ﺳﺎﻋﺪﻧﻰ ﻭﻗﺪﺭﺕ ﺍﺷﺪ ﺍﻟﻨﻘﺎﺏ ﻣﻦ ﻋﻠﻰ ﻭﺷﻰ
ﻫﻮ ﺷﺎﻓﻨﻰ ﺍﺗﺼﺪﻡ
ﻗﺎﻟﻰ " ﺍﻳﻪ ﺍﻟﻠﻰ ﻋﺎﻣﻼﻩ ﻑ ﻧﻔﺴﻚ ﺩﻩ ﻳﺎﺳﻌﺎﺩ " ؟
ﻭﺍﻧﺎ ﺍﺷﺘﻤﻪ ﻭﺍﻗﻮﻟﻪ ﺇﻟﺤﻘﻨﻰ ﻳﺎ ﺑﻦ ﺍﻟﻮﺍﺭﻣﻪ ﻭﺍﻧﺎ ﺍﺻﻮﻭﻭﻭﺕ
ﻟﻐﺎﻳﻪ ﻣﺎ ﻓﻀﻞ ﻳﻤﺸﻰ ﺍﻟﻨﺎﺱ ﻭﻳﻘﻮﻟﻬﻢ ﺣﺼﻞ ﺧﻴﺮ ﻭﺳﻮﺀ ﺗﻔﺎﻫﻢ ﻳﺎ ﺟﻤﺎﻋﻪ ﻭﺍﺣﻨﺎ ﺁﺳﻔﻴﻦ ﺩﻯ ﻣﺮﺍﺗﻰ ﻭﺑﻨﺘﻰ
ﺍﻟﻤﻬﻢ
ﻓﻀﻞ ﻃﻮﻝ ﻣﺎﺣﻨﺎ ﺭﺍﺟﻌﻴﻦ ﻑ ﺍﻟﺴﻜﻪ ﻳﻀﺤﻚ ﻭﻳﻘﻮﻟﻰ
" ﺑﻘﻲ ﻳﺎﻋﺒﻴﻄﻪ ﻳﺎﺑﻨﺖ ﺍﻟﻌﺒﻴﻄﻪ ﺑﺘﺮﺍﻗﺒﻴﻨﻰ ﻭﺍﻧﺘﻰ ﻣﻌﺎﻛﻰ ﺍﻟﺒﻨﺖ .. ؟ "
ﻳﻌﻨﻰ ﻣﺘﺂﻣﺮ ﻭﺃﻫﺒﻞ ؟
ﺍﻟﻤﻬﻢ ﺍﻧﻰ ﺩﻟﻮﻗﺘﻰ ﺍﻟﺸﻚ ﻟﺴﺎ ﻫﻴﻤﻮﺗﻨﻰ
ﻭﺍﻟﻠﻰ ﻣﺰﻋﻠﻨﻰ ﺃﻛﺘﺮ ﺍﻟﻌﻠﻘﻪ ﺍﻟﻠﻰ ﻛﻠﺘﻬﺎ ﻉ ﺍﻟﻔﺎﺿﻰ ﻣﻦ ﻏﻴﺮ ﻣﺎ ﺍﻋﺮﻑ ﻫﻮ ﺑﻴﺮﻭﺡ ﻓﻴﻦ ؟
صباح البسمة الحلوة