Ƹ̵̡Ӝ̵̨̄Ʒ لنـــــــــــــــــرى الأمور من منظــــــــــــــار آدم Ƹ̵̡Ӝ̵̨̄Ʒ

اشكرك على طرحك

مميزه دائما

ينقل لمكانه الانسب

منوريين جميعا
بانتظار تفاعل الشباب والصبايا

اول شي بشكرك مجرد انسانه على طرحك الموضوع الرائع
انا بصراحه قرأت الموضوع اكتر من مرة وحاسس انه في شي غريب
شوي ومش داخل راسي يعني انتي بتحكي انه هالبنت حبت الشب ومع الايام
صار الشب يحبها ولكنه ما خبرها بهاد الاشي طيب هلقيت هيه كيف عرفت
انه حبها ما دام ما حكالها !!! هاي شغله !!! والشغله التانية ضلت صابره عليه
اكتر من سنه وبعدين لمن شافت انه مافي ردة فعل من الشب وانها خايفة انه
يكون وجودها بحياته رح يسببله احراج يعني كيف وجودها رح يحرجه ما دام
انتي بتحكي انه الشب صار يحبها !!!! وبرضه بس صارحته وسمعت ردة فعله
حست البنت انها كسرت قلبه !!!! وغير هيك ضلت متأمله سنين على هاد الحال
وبتتعامل معه كأصدقاء يعني ضيعت عمرها وشبابها لحتى الاستاز شرف وتجرأ
وحكالها انه بحبها وهيه اخرى بعد كل هاد وافقت تنشئ علاقة حب معاه !!!!!!
ولمن حبوا بعض صار الشب يتهرب منها بحجة انه عنده ظروف ومشاكل بحياته
ارغمته انه يبعد عنها . اممممممممممممممممممممممممممممممممممممم .
طيب هلقيت انا برأيي انه باختصار هاي البنت حبت هالشب حب كبير ومش قادرة تنساه بالمرة
لانه بصراحه هيه ضحت لاجله بس هوا ما قدر هاد الاشي لانه ضلت متمسكه فيه اكتر من تلت او اربع سنين متل ما قرأت هون وفهمت وبالآخر وبعد كل هاد ييجي الشب ويصير يتلاعب بالبنت ويحكيلها انه صار عندي مشاكل ومش عارف شو، طيب المفروض ازا الشب بحبها بجد لازم يحكيلها
مشاكله لحتى يتساعدوا مع بعض بحلها مو انه يتهرب وينسى كل شي عملته البنت من اجله ، فالظاهر انه هاد الشب ما كان بنيته انه يبني علاقة معاها ليحبوا بعض ويتزوجوا يعني تضييع وقت
وهاد انا عندي مرفوض نهائيآ ، يعني الحب شي حلو كتير ورائع واهم شغله فيو انه يكونوا الاتنين متفاهمين وواثقين ببعض وبتعاملوا مع بعض بكل تفاهم وحب ويحكوا لبعض عن كل شي لحتى كل واحد يفهم شخصية التاني وبهيك صدقوني رح تكون حياتهم سعيدة كتير .
بالاخير انا بنصح اي بنت بشكل عام بحكي ما لازم توثق باي شب مو ازا اجا ومزح او ضحك معاي ضحكه خلص هاد بحبني وابلش احكي معاه وافشيله كل شي بحياتي واطلع معاه ومش عارف شو لا هاد كله غلط . بتعامل معاه بحدود والايام هيه اكبر دليل لحتى تكشف الكم عن شخصيته ازا كان منيح او مو منيح .
البنت هاي يا مجرد غلطت كتير لانه ضيعت حياتها وهيه بتستنى بهالشب وبالاخر يعمل فيها هيك شو هوا مافي بهالدنيا غيره يعني هلقيت شو استفادت من حبها لاله غير وجع الراس وتضييع الوقت والتلاعب فيها ، عالعموم انا برمت كتير وان شاء الله انه حكيت رأيي بكل صراحه .
اشكرك مجرد على مجهود الراقي والمميز
تحياتي

واخيرا حد رد عالمشكلة ههههههه
يسلمو محمد لا بالعكس انت اعطيت رايك وكفيت ومشاركتك رووعه
شكرا كتير لالك وبتمنى تضلك دايما هون تشاركنا برأيك عالمشاكل او الامور الي رح نطرحها هون انا والصبايا

[align=center][tabletext="width:70%;"][cell="filter:;"][align=center]وانا جييييييييتكم

محمد شكرا عالاطاله هههههههههه حكيك ما بينمل ابدا وفي منو كتير

المشكلة رح احكيها بطريقتي الخاصة لانها مش منقولة ولاشي بس عرفتها من صديقتي ،

بنت وشب كانوا اصدقاء ، الشب كان بيدرس برا البلد، بعدين حبتوا كتير وهو كمان نفس الشي، بس ما حكوا لبعض شي لفترة بس بعدين حكالهااا هو انو حبها وهي حكتلوا نفس الشي بعد فترة، وضلوا سنتين 3 هيك شي وكان يصير كتير اشياء بدل انو صادق وحبها عنجد ، بس بعدين صار يصير مشاكل كتيير واخطاء منها ومنو وما كانوا متفقين ع كتير اشياء وبآخر مشكلة وبعد ما تراكمت كل هالاشياء ضلوا يحكوا بس الشب مشاعروا بردت وبطّل متل الاول معها ومع هيك ضل يحكي وكان يحكيلها انو مش عارفه ليش بحكي معها ، وانو هو مش مقتنع فيها بالمرة وانو كان متخيلها شي تاني قبل بس اكتشف بعدين انها غير وحس انو ما بزبط يكملوا ابدا، وحكالها انو مش عارف يرجع معها متل الاول وبنفس الوقت مش عارف يتركها، وهي كانت لسا بتحبوا وضلت تحكي معو وكل فترة كانت تحكي بهالموضوع وتفتحوا ونفس ردة الفعل وضلوا هيك 9 شهور وبآخرهم لما حكوا حكالها انو بطّل يحبها ، وانو ما كان يكزب عليها بس كان كل شي قبل اوهام وهو مصدقها زيها يعني، بس هلأ حاب يعيش لحالو بدون اي حد ويكون مرتاح وما يغلط والى آخره، والبنت بعد هيك كانت تستنا فيه ليرجع عشان كانت تفكر انو الغربة ممكن أثرت عليه شوي وهالشي ممكن اي حد يمر فيه ولما يرجع ممكن يتصلح، بعدين اجا وقت انو يرجع، وقبل ما يشوفها تغير حكيوا معها نوعا ما وحكيوا كان واضح انو خلص بطّل بدو يتركها وحكالها انو كان يحكيلها انو بحبهاش عشاان يعرف يبعد عنها عشان الاخطاء اللي كانت تصير بينهم بس هو ولا عمروا حس انو ما بحبها ، بس هي برضو هلأ صارت تفكر بالموضوع من ناحية تانية ومش عارفة كيف تتأكد ازا بحبها عنجد والا لا ومش عارفه اضلها معو او لا، هي مش شاكة انو صادق لما يحكيلها بحبها ومتأكدة انو بكزبش، بس خايفه لما يمر كمان وقت تيجي فترة ويرجع متل ما كان بال9 شهور ..


وبس هادا هووووووووووووو

[/align][/cell][/tabletext][/align]

شاب كان يحكي مع فتاة كأنهم اخوة فقط لانه اصغر منها بعام وبعد سنة من هذه الاخوة اعترف لها بحبه وهي بادلته نفس الشعور وكما هو المعتاد هي لديها صديقات وهو له اصدقاء
بفترة حبهم ابتعدت عن صديقاتها المقربات كثيرا واعطت وقتها كله لحبيبها ضريبة حب وبنفس الوقت كانت صحبة مع اخواته بتعمللهم زيارات في البيت بدون وجود حبيب القلب
هلا هي دايما كل شهرين كانت تطلع تطش مع صاحباتها في مكان ما وهن متعودات على هالاشي
هلا بعد ما صارت بتحب صاحباتها اكتر من مرة عزموها تطلع معهم كانت تعتذر منهم وكل مرة بحجة شكل مرة ما معها مصاري ومرة خليها لآخر الشهر بيجي اخر الشهر بكولها تعي اطلعي بتحكيلهم خليها لاول الشهر وهكذا
هلا صاحباتها لما بدهم يطلعوا بطلوا يحكولها
في يوم من الايام بتكتشف وحده من صاحباتها وهي بتحكي معها انها ما كانت تطلعلانه حبيب القلب ما كان يوافق انها تطلع بغار عليها من مين ما بتعرف؟ يمكن من صاحباتها ههههه

هلا هاي البنت ضحت بصاحباتها لاجل حبيبها كيف؟ ببساطة ما بتتعرف عليهن الا بس تكون متطاوشة مع حبيب القلب
هلا نيجي لحبيب القلب هلا بدي احكي بداية انه البنت وحبيبها عندهم حساب عالفيس بوك

في يوم من الايام بترن البنت هاي على وحدة من صاحباتها متدايقة وتشكي من هالعالم بدون ما تجيب سيرة لصاحبيتها
وبنفس اليوم صاحبيتها بتشوف انه حبيب البنت عمل حاله انه in relationship مع بنات عمه الي صاحباتها بعرفوها لهاي البنت وبعد هاليوم بتبلش بنت عمه تنزل بوست حب وغرام وتعمل تاغ مع الشب حبيب هديك البنت
والحلاوة في الموضوع انه الشب بصير يرد عليها ويحكيلها يا بعد هالقلب ومن هالحكي
صاحبة البنات "حبيبة الشب" بتدمر وبتتأثر وبترجع تحكي مع صاحباتها عادي وبعد فترة من الزمن بتكون رايحة على خطبة اخت هاد الشب بتلتقي فيه وبعترفلها انه بحبها قدام اختها وقدام اخواته
وعد اسبوعين من هالاعتراف بضله مع بنت عمه عالفيسبوك بوست حب وغرام ولا كانه في اشي


يا ادم ممكن رايك في الموضوع

وله مجرد وبعدين معك شو حضرتك حاطينك حللالة المشاكل للصبايا
والا شوووووووووووووووووووووووو كل يوم تجيبيلنا مشكلة جديدة
يغص بالك على هيك رح اضلي تجيبيلنا كل يوم قصة جديدة
هههههههههههههههههه
ان شاء الله برجع وبردلك عالموضوع حاضر ست مجرد

يعني اقل ما فيها بدناش البنات يغلطو نفس الغلط
يعني البنت بتحب وبتضحي وبالآخر الشب بترك
طيب ليش ما تكون عارفة هل رح يتركها او لا من قبل
بتعرف احنا البنات مشاعرنا حساسة لازم نقويها شوي وما نضل نتالم

بإنتظارك مستر محمد

الاخت مجرد الله يعطيكي الف عافية على هالتوريطات ههههه
هلقيت ومن الاخر رح احكي وجهة نظري لهاي البنت
انه ازا انتي تخليتي عن كل شي كرماله وهوا ما قدر تضحيتك
لاله وحبك لاله ومن مجرد مشاركة لبنت عمه عالفيس وتعليقاته لالها
نسيك ونسي كل شي صار بيناتكم من مشاعر عشق وغيرها فأنا بحكيلك
اتركيه وحاولي تنسيه وهلقيت بهاي الحالة ازا هوا بدو اياكي رح يترك
بنت عمه ويرجعلك وازا ما عمل هيك فبتصور انه ما بيستاهلك وما بيستاهل
حبك وتضحيتك وحزنك عليه .
هاد رأيي باختصار وياريت الوحدة بس تيجي بدها تعمل علاقة حب مع اي شخص
تكون واثقة ومتأكدة منه وانه بعمره مارح يستغني عنها وبرضه بالاول تكون
علاقتها بهالشخص عالخفيف لحتى تتأكد من مشاعره ولحتى ما توقع بغلط تتندم عليه .
ارجو اني وضحت رأيي بهالموضوع وبشكرك مجرد مرة تانية على الطرح المفيد
والمجهود الرائع لكِ كل التحية والاحترام .

وشكرا ابو حميد كثير لمشاركتك النا في هذا الموضوع
بقدر تفاعلك معنا ولك مني كل الإحترام

وممكن ترد على المشكلة الي طرحتها الاخت اسلام اذا ما عندك مانع