باب الحاره الفلسطينــ،،ــي

السلام عليكم و رحمة الله و بركاته ..
اليوم راح اخبركم عن حكاية ..
حارتنا ..!!هيي حارة غير عن كل الحارات ..
تعو حبايبي شوفو القصة ..!!

\\//





كان ياما كان ..!!
كان في هناك ..
الشاطر هنية و الشاطر عباس ..!!
كانو تنيناتهم اخوة ..
من إم اسمها فلسطين ..
و الاب هوي الاسلام ..

//

كبرو هالاخوة ..
كبرو كتر خير الله و بلغو مبلغ الرجال ..!!
لقيو الوطن ضايع ..
مشيو ..
في طريق الوطنية و كل واحد حطلو بصمة ..
ما شاء الله ..

\\

لف الزمان ..
و صار كل واحد عقيد حارة ..
و كل واحد معو شلة من الزعران ..!!

//



وفي يوم من الايام ..!!
دخل بيناتهم الشيطان ..
و صار هالاخوة اعداء ..!!

\\

اصحينا لقينا باب الحارة مفتوح ..!!
و الحارس مقتول ..
و لا حول و لا قوة الا بالله ..!!

//

صارو هالزعران ..
يتطاوشو ..
و بنادقهم بدل ما تطخ العدو يلي بتربص بيهم ورا الباب ..!!
صارت بنادقهم تتوجه صوب ..
قلوب بعضهم ..
و كل واحد فيهم للتاني يتربص ..
صارو عن بعض اغراب ..!!
و كل كلمة ليها الف معنى و حساب ..

\\

و صارو نسوان الحارة يبكوو ..
مسا و صباح ..!!


هلأ نسينا الوطن و القضية و همومنا و دمنا ..
و صار اكبر همنا ..
نانسي واليسا وما بعرف شو من هالهبل كمان..!!
ولا العدو خلص لتبدأ ..
تصفاية الحسابات ..
قولولي ..
كيف الله بدو ينصرنا علي العدو ..
ازا صرنا نحنا في بعض اولاد حرام ..!!

\\

ما تعلم انتا و ياه ..!!
انوا لمن بموت اخوك و صاحبك و حبيبكـ ..انوا انتا ..
قتلت امك في اليوم الاف المرات ..!!

//


نسيتو ..

انوا بالحارة نساء و كهول و اطفال .. !!
تعو شوفوا عمايلكم شو عملت فينا ..
صرنا نشتري بدمنا ..
كل شيئ ..
حتي صرنا نشتري الهواء ..

\\

ما بزعل لما ازعر يقتلو العدو الحقيقي ..!!
لكن بطق لما اخ يقتل اخوه ..
زكرتوني ..!!
بقبيل و هابيل ..
فعلا التاريخ بعيد نفسه و لف الزمن ..
و دار ..

//

صدقوني ..
بكتب و انا متوجعة مكسورة القلب و الخاطر ..!!
و ما بكتب ..
الا لأن الشيئ عن حدو زاد ..!!

\\

بكفي ولدنه و لعب صغار ..!!
فوق انتا و ياه ..
صدقوني ..
علي هالحال بتبكي ملائكة السمااا ..
و اهتز عرش الرحمن ..!!

//

فوق انتا و ياه التاريخ ما بنسي و لا برحم ..
كمان ..
شو رح تقولو بكرة للاله ..

\\

رح ..
تصيرو تلبس طرح و عبايات ..
مش انتوا و بس ..!!
كل من شارك في هاللعبة من القباضيات ..!!

//





كفاكم حبا بالله ..



)) فوقو - اعقلو - افهمو .. ((فما يحدث الان بنا فعل اغتصاب ..!!
\\
..

//
و بالنهاية ..

ما بعتب عليكو كتير ..!!
الاب مات - و حارس الضيعة مات - و مات الضمير ..!!
\\
و نسيتو باب الحارة مفتوح ..!!
كل يوم ..
بفوتو منو الاعداء ..!!
\\//
لهون ..و خلص المسلسل ..
و دمتم .. بخير!!

شـكــ وبارك الله فيك ـــرا لك ... لك مني أجمل تحية .
هاي حقيقة الوضع الفلسطيني اللي لا يمكن للاسف انكارها " كل واحد معا شلة زعران "

اختيار واقعي
مشكورة ياسمين

هاي حقيقه صارت بالعالم كلو للاسف حتى عنا بلبنان هيك صار وين ما كان الله يرحمنا برحمتو وينور عقول هالبشر مشكوره ياسمين كلامك واقعي

شـكــ وبارك الله فيك ـــرا لك ... لك مني أجمل تحية .

مشكورين على مرور

رائع جدا ياسمين
يسلمووو عزيزتي

يسلمو ياسمينه
اجمل التحيات لك

مشكورين على المرور

يسلموووووووووووو ياسمين على الموضوع الرائع