<>♥كرسي اعتراف الطفوله هنا -- طفولة عضو في منتديات حلم فلسطين♥<>

بما ان عاشقة الكوفية لم تحضر
سنجدد بهذا العام كرسي اعتراف الطفولة

لمروركم اجمل التهاني
اختااااااار (شتات الروح )

هههههههههههههه يئطع شرررك

نائصنااا كراااسي واعترافات

يسلمووو عسوولة عالدعوووة

ولي عوودة

الاسئلة
ـــــــــــــــــــــ
نشيد كنت/ي تحبه / تحبينه أيام الطفوله ؟؟

حلمي الصّغير أن أحيآ بسلآم في بيت تحلوه زبآدآت الأحلآم

شخصيه كرتونيه كنت/ي تحبه/تحبينها ؟؟

أكيييد المحقق كونآن وإلى الآن

كيف كنت/ي ايام طفولتك حركة/يه ولاهادئة/ه ؟؟

يييييييييي كنت شعنووونة وليش الحكي وصلت للصف السااادس
والكل يخااف يحاكيني ... كنت بس اعصب أعض البنااات ههههههههههه
شو اعمل كان حجمي صغير وما في طريقة

ماهي المواقف اللي عرضت فيها اهلك للاحراج؟؟

مممم لما اضاربت انا وبنت صاحب بابا ونزلت الدم منها
فأهلي انحرجوا وراحوا ئال يعتذروا وأنا ولا يمكن راس متل الحيطة

هل كنت شخص ذو شخصيه قويه أم مغلوب عليه ؟؟

كنت كتيييييير ئوووية وما حدا بطلع معي براااس وخصوصا بطوولة اللسان
بعكس هلأ تماما الكل بحكيلي اني هبلة هههه

اكبر عيديه جمعته/جمعته كم ؟؟ ومن مين ؟؟

ممممم مو متزكرة متى بالزبط بس بجووز بمرحلة الاساسي العليا
ومو من شخص واحد بجوز وصلت 300

يوم كنتي صغيره تسوين جدايل ؟؟<<للبنات بس

إيه لانو شعري كان طويل وناعم فما في شي يلمو غير الجداايل

يوم كنت/ي طفل/ه تلع/بين بكمبيوتر العائله ؟؟

ايه ... هوي اصلا كان في غيروو الله وكيلك مدابح بتصييير عليه
والشاطر يلي ياخدو بالاول

من كـان يدلعك أكثر أبوك او أمك ؟
مممم بابا أكتر

اســم دلعك بالطفوله لحد الان ينادونك به ؟؟ وماهو ؟؟
ممممم ما بتزكر اني كنت ادلع باسم معين

بطفولتك كنت/ي تبكي/ن إذا ماجلست/ي بالاول بالطابور اوالفصل ؟؟

لا شوو أبكي ... كنت أكون بالسطر الاول وبالغصب كمان ههههههه
واذا ما زبط اعزر عالدنيا واجيب اهلي وتئووم القيامة بالمدرسة

عندك لعبه موجوده من صغرك إلى الآن ؟ وماهي ؟؟

ايه عندي ... دبدووب كبير

هـل كـنت/ي تـعانـ/ين مـن اخـطاء فـي مخـارج الحـروف .. (الوح=أروح) عثير= عصير ؟؟؟خبذ =خبز)؟؟

لا لا كنت ماشاء الله علي ام السااان وحكي مية المية .... هههه

ما اكـثـر حلاوة كنـتي تحـبه/تحبينها ..؟؟

كنت أحب الجلي يلي ابتنحط بالتلاجة وهااي يلي بتمط " بتكون أشكال دباديب وحيات وأبصر شو " ههههههه

آكله تحبها كثير ...وآكله تكرها ..؟؟
بحب البرياني والكبسة
وبكرة الملوخية والبامية

ما اسم اول مـدرس/ه درس/ت/ك ..؟

مممممم مس نوال كانت طيووووووبة كتير وبتحبني متل بنتها
وإلى الان بشوووفها ... ربي يسعدها

لما احد يضربك في الشارع لمين كنت تشتكي..! والا تاخذ حقكـ بنفسكـ .. ؟؟
شووو أشكي لحدااا ... كانت عندي قاعدة دق الحديد وهوي حااامي
يعني يا انا يا هية .... وبتصير مدااابح
وما كان يهمني ولد أو بنت المهم اخد يلي بدي ايااااه هههههههههه

كنت تنآم لحآلك ولاعند المآمآ ..؟؟
لا لحااالي ...

اجمل موقف صار لك بطفولتك ..ومازال عالق في ذاكرتك؟؟
ههههههههههه والله كتيير
بس بتزكر يادوب كان عمري انا 7 سنين
قال انا واختي الغبيات مع بنت عمتي واخوها انزلنا وووين .... بالبير
ما بعرف كيف
وقعدنا نلعب بالمية كانت المية يادوب لركبنا
وصرنا نصييح بعدها انزلنا ومو عارفين نطلع
فاجى قال المنقذ اخوهم التاني ورمالنا الحبل وطلعنا
وللعام الماضي لحتى عرفووو أهلي ههههههههههه

ايش الالعاب اللي كنت تلعبها بطفولتك وايش اكثر لعبه تحبها ؟ومع مين تحب تلعب اكثر شيء ؟؟
غميضة .. الجحلة .. الدحرجة باالدولاب .. كنت العب من بنات ووولاد الحارة

أجمل مكان سافرت له وانت صغير وتتمنى ترجع له ثااني ؟؟
ممم انا سافرت الاردن والسعودية وعمان وبلدي الحبيبة فلسطين
بس ما بحب اسافر غير ع فلسطين مع اني بروحها دايما

هل مر عليك موقف بطفولتك خلاك تكره شخص معين واذكر الموقف ؟؟
مممممممم ما بتزكر

كم مرة ضربت ..او كنت تنظرب كثير؟؟
ههههههههههههههه شو هالسؤال المحرج
اي انا ما كنت انام الا ع قتلة واصحى ع قتلة
لاني البكر فكنت اعجب

كيف مستواك الدراسي ممتاز ..ولا كسلان ..ولا نص ونص ..؟؟
لا الحمد لله وصلت للثانوية العامة وانا ممتاز بس بالجامعة سطلت فصار جيد هههههه

واخيراً ..ماهو الحلم البريء ..حلم طفولتك ..كنت تتمنى ان يتحقق..!
أن أكُون أميرة هههه

كلمه اخيره تهديها لطفولتك..!!
سلآم عليكِ يآ عُمري الذّي مَضى فانتِي اجملُ ورود عُمرِي



يسلمووووووو خيتوو عالدعوة الرائعة والاسئلة الشقية
ودي لكي

سلمت اجاباتك الطفولية
اختاار(ورود الدار)

الاسئلة
ـــــــــــــــــــــ
نشيد كنت/ي تحبه / تحبينه أيام الطفوله ؟؟
بس كنا صغار كان سيدي الله يرحمو يغي لنا انا واخواني واولاد اخوالي يا غنماتي
كنت احبها كتير هههه
::::
شخصيه كرتونيه كنت/ي تحبه/تحبينها ؟؟
سالي / كونان / البكمون / ابطال الديجتل / توم وجري
::::
كيف كنت/ي ايام طفولتك حركة/يه ولاهادئة/ه ؟؟
هاديه نوعا ما
::::

ماهي المواقف اللي عرضت فيها اهلك للاحراج؟؟
مش متزكره اعملت هيك اشي
هل كنت شخص ذو شخصيه قويه أم مغلوب عليه ؟؟
لا هيك ولا هيك
::::
اكبر عيديه جمعته/جمعته كم ؟؟ ومن مين ؟؟
ههههه كمان مش متزكره كتير
::::
يوم كنتي صغيره تسوين جدايل ؟؟<<للبنات بس
يس ومازلت
::::
يوم كنت/ي طفل/ه تلع/بين بكمبيوتر العائله ؟؟
اه هههه
::::
من كـان يدلعك أكثر أبوك او أمك ؟
بابا الله يحفظه

::::
اســم دلعك بالطفوله لحد الان ينادونك به ؟؟ وماهو ؟؟
هههههه هون الفضائح
ومش ححكيلك يا وئام هع
::::
بطفولتك كنت/ي تبكي/ن إذا ماجلست/ي بالاول بالطابور اوالفصل ؟؟
لا ما كانت تفرق معي
::::
عندك لعبه موجوده من صغرك إلى الآن ؟ وماهي ؟؟
عندي دبدوب وعندي عروسه
::::
هـل كـنت/ي تـعانـ/ين مـن اخـطاء فـي مخـارج الحـروف .. (الوح=أروح) عثير= عصير ؟؟؟خبذ =خبز)؟؟
اه كان عندي مشكله مع حرف الراء بس الحمد لله زبطناها
:::::
ما اكـثـر حلاوة كنـتي تحـبه/تحبينها ..؟؟
اوكر الاحمر
::::
آكله تحبها كثير ...وآكله تكرها ..؟؟
بحب المحاشي ومابكره اشي
::::

ما اسم اول مـدرس/ه درس/ت/ك ..؟
صفاء
::::
لما احد يضربك في الشارع لمين كنت تشتكي..! والا تاخذ حقكـ بنفسكـ .. ؟؟
هون ماعنا لعب بالشارع للاسف
:::
كنت تنآم لحآلك ولاعند المآمآ ..؟؟
عند اخوني مش لحالي ولا عند ماما
:::::
اجمل موقف صار لك بطفولتك ..ومازال عالق في ذاكرتك؟؟
كتير اشياء صارت حلوه وصعب ننساها
:::::
ايش الالعاب اللي كنت تلعبها بطفولتك وايش اكثر لعبه تحبها ؟ومع مين تحب تلعب اكثر شيء ؟؟
كنت احب العب مع اختي وبنات خالي وكنا بلعب فتحي يا ورده اكتر اشي
:::::
أجمل مكان سافرت له وانت صغير وتتمنى ترجع له ثااني ؟؟
غــزة
:::::
هل مر عليك موقف بطفولتك خلاك تكره شخص معين واذكر الموقف ؟؟
لا
:::::
كم مرة ضربت ..او كنت تنظرب كثير؟؟
اهلي ضد العنف الحمد لله
:::::
كيف مستواك الدراسي ممتاز ..ولا كسلان ..ولا نص ونص ..؟؟
منيح
::::
واخيراً ..ماهو الحلم البريء ..حلم طفولتك ..كنت تتمنى ان يتحقق..!
نضل عايشين بغزة
::::
كلمه اخيره تهديها لطفولتك..!!
ما اروعها


والف شكر الك حبيبتي وئام على اختيارك الي

ودمتي بحب

ههههههههههـ موضوع رآئع وطفولاتكو ارووع

استمرو

اجابات رائعة

بختااار بيلسان