مساء الخير اسرة حلم فلسطين

السلام عليكم
انا اخوكم رامز ابو محمد الملقب ابو سرور
طبعاً انا مش كثير خبير في المنتديات
دخلت حتى اكتسب الخبره والمعرفه من حضراتكم
وانا بكون ابن عمت اخوكم نصور (ناصر دويكات ابو الرائد)
يعني بكون ابو الرائد ابن خالي وكمان اخوي في الرضاعه
وطالما ابو رائد غايب بدي اشكليكم عليه من اول يوم انولد فيه سرق حليباتي وشاركني فيهم
كانت والدتك الله يرحمها مريضة وامي ارضعت ابو الرائد
وهو طلع طماع وشرب كل الحليب وانا قضيها ع اليانسون والشاي هههههههههههه
ودائماً بطالب ابو الرائد يرجعلي الحليب مش راضي
واليوم انا بطلب مساعدتكم وبدي بقرة هولنديه حتى استد
وشكراً لكم جميعاً
طبعا انا حبيت ادخل واكون واحد من هذه الاسرة الجميلة اللي كان ابو رائد يحكيلي عنها بستمرار
و وعدته اني افوت واسجل وهيني اليوم استغليت غيابه وفتت سجلت وطالبت في الحليب
وان شاء الله تقبلوني اخ الكم
اخوكم رامز ابو محمد من نابلس جبل النار

واهلا وسهلا ومليووووون مرحبا بك اخي
شرفت ونورت حلم فلسطين بإطلالتك
وان شالله تقضي معنا اجمل واسعد الاوقات
ونفيد ونستفيد من بعض
على الرحب والسعد

أهلا وسهلا أخي

نورت حلم بتواجدك

بتمنى الك أطيب الأوقات

[ALIGN=CENTER][TABLETEXT="width:80%;background-color:black;"][CELL="filter:;"][ALIGN=center]ههههههههههههههههههههههههه
اقسم بالله رب العالمين يمكن الجيران سمعوا صوتي وانا بضحك
اخي الكريم رامز ابو محمد والله منك لابن خالك اسطفل

ما ابنقدر نتدخل بينكم ههههههههههههه
بكل الاحوال حياك الله بين اهلك وناسك واسرتك الثانيه
مرحباً فيك من ملفاك لحد ملقاك

[/ALIGN][/CELL][/TABLETEXT][/ALIGN]

هههههههههههههههههههههههه
هلأ أناا رح اتفاهم معوو لعمو نصوور وبحكيلو يرجعلك كل شي اخدو ،
الحق حق ليش الحكي ههههههههههه مش رح نطلعك زعلان ابدا هههههه


واهلا وسهلااااااااااااا فيك نورررررت بيتك التااني واحنا كلنا هون صرنا اخوتك مش بس عمو نصور :d
فعشان هيك وعشان مش خبير بالمنتديات وبدك تكتسب خبره من عنا فاحنا اكييد بالخدمه واي سؤال او استفسار احنا حاضرين ^_^


منتمنى تقضي وقت ممتع معنااااااااا وتنبسط .. وتفيد وتستفيد ..

واهلا فيك مره تااانيه أخ رامز )

تحيتي

يا هلا يا هلا

مع نصور مش خالصين

ليجي اخو في الرضااعة يا هملالالالالالي


ههههههههههههههههههههههههه

منووور خيوووووووووو

هههههههههه
اهلين وسهلين خيووو
نورت المكاان
اتمنى لك اقامة طيبة وممتعة برفقتنااا

تحياتي

شكرا جزيلا الكم
على ترحيبكم
اسلام ساعدني.. انت حكيت بدك تساعدني مش هيك؟
علمني كيف اخفي هذا الموضوع عن ابو الرائد عشان ما يشوفو ههههههههه
بقدر اعمل هيك والا لا؟؟
وشكرا لكم
على راسي والله يا احلا ناس

طيب وين ردودي بتروح؟؟
انا بكتب ومش شايف اللي بكتبو وين بروح
متعود ع الفيس ومش متعود على المنتديات انا
يا خوف قلبي تكونو متفقين مع ابو رائد علي
ما بدكم تساعدوني في ترجيع الحليب
تعالي يما يا نايفة الحقيني

اقتباس : المشاركة الأصلية كتبت بواسطة رامز ابو سرور [ مشاهدة المشاركة ]

طيب وين ردودي بتروح؟؟ انا بكتب ومش شايف اللي بكتبو وين بروح متعود ع الفيس ومش متعود على المنتديات انا يا خوف قلبي تكونو متفقين مع ابو رائد علي ما بدكم تساعدوني في ترجيع الحليب تعالي يما يا نايفة الحقيني

هلا هي ردودك ما بتروح مكان
بالاول بتيجي لعندنا وبعدين احنا منفعلها
هلا انت عليك تركض ركض هههه تعمل 40 مشاركة
عشان يتفعل حسابك تصير مشاركاتك تنزل فورا وبدون موافقتنا
يلا شد همتك اشوف قبل ليجي خيووو ابو الرائد هههه